شاهد حيوانات غريبة أولهم اسد اقتنع انه كلب وبيعمل اشياء غريبة - الجمعة 20 نوفمبر 2015 الساعة 06:55 صباحا

ظاهرة الـ Public Figure انتشرت بكثرة في الأونة الأخيرة مما يفرض علينا دراستها بدقة وخاصة لو كان الـ Public figure ده بذيل وأربع رجول! أشعر أنه هيجي وقت الكلاب تبص علينا بطرف عينها، متوقع إيه بعد ما بقى يتعملهم تماثيل زي Hachiko، الكلب اللي فضل مستني صاحبه عند محطة القطر 9 سنين، واتعمل فيلم بيحكي قصته اسمه A Dog’s Tale، أصل حقهم الصراحة.

والظاهر إن البروباجندا اللي بتحصل على طول حولين الكلاب، وبتشيد بأخلاقهم ووفائهم ومحبتهم لأصحابها وغيرها من الصفات الحلوة الجميلة مأثرتش فينا كابني آدمين بس، أو في برستيجهم ككلاب قدامنا، بل امتد تأثيرها في الحيوان كمان من أول الأسد عميد ورئيس قسم مملكة الحيوان إلى غاية الأرنب اللي أمي بتعمل بيه الملوخية على الغدا. وتقريباً الكلب بقى هو المثل الأعلى لحيوانات كتيرة.

1- ملك الغابة يلعب بالكرة

أسد يلعب بالكرة

المصدر: YouTube / Funnz4u

شارك

وشكل الأسد أفندي غاوي يلعب ماتشات صولو، تقريباً كان نفسه يبقى كلب وهو زغنن بس صحته مجبتش، فقعد في حديقة الحيوان يدحرج في الكورة، حد يشوفله عقد احتراف في جونينة الجيزة.




2- أنا خروف بس جامد أوي

خروف يجري مثل الكلب.

المصدر: YouTube / Jemma Mackenzie

شارك



أما الخروف ده حكاية، حد يقوله يا حبيبي أنتَ مكانك مش هنا، أنتَ فاهم غلط.


3- أرنب تحول إلى كلب غصب واقتدار

أرنب يعض مثل الكلاب.

المصدر: YouTube / baldtomato

شارك



الأرنب ده فرض شخصيته خلاص، وقرر يكشف عن أنيابه. نظام “أنا قولت إني كلب يبقي أنا كلب، أنا مش هتعمل شوربة، واللي هيقرب لي هعوره”.


4- القطة التي لا تعرف الاستسلام

قطة تتصرف مثل الكلاب.

المصدر: YouTube / Irilya

شارك



أما هذا القط، فبيفكرني بقطي العزيز اللي فضل 6 شهور بيهوهو، وكل ما أحاول أخليه ينونو يرفض، ويستخبى مني تحت السرير. لكن القط ده مختلف، تقريباً عنده هوس: “ارمي العظمة وأنا أجري وراها”، بالمناسبة أي ورقة مكرمشة ترميها لهم هي بالنسبة لهم عظمة.


المصدر : YouTube الصفحة الرئيسية